٭ جامعہ میں اسی بچی کا داخلہ ہوگا جس کی عمر کم از کم ۹ سال ہو ۔ وہ اپنی ضروریات خ(غسل کپڑے کی صفائی وغیرہ)ود پوری کر سکتی ہو نیزقرآن شریف اور اردو لکھنا پڑھنا جانتی ہو ۔
٭ داخلہ بذریعہ امتحان/جانچ ہوگا امتحان داخلہ میں کامیابی کے بعد ہی داخلہ ممکن ہوگا۔
٭ ممتحن کا فیصلہ آخری ہوگا۔ وہ نتائج امتحان میں امیدوار طالبہ جس جماعت کے لائق سمجھے گی اسی جماعت میں داخلہ لینا ہوگا۔ ۔
٭ٹسٹ میں کامیابی کے بعد ۲ عددنیا پاسپورٹ سائز فوٹو ، طالبہ کا برتھ سرٹیفیکٹ ، سرپر ست کے آدھار کارڈ کی
کاپی داخلہ فارم کے ساتھ جمع کرنا ہوگا۔
داخلہ کے وقت والد/سرپرست کا موجود ہونا لازم ہے ۔
٭طالبات سے ملاقات کے لئے جامعہ کی جانب سے ایک ملاقاتی کارڈ جاری کیا جائے گا جس کارڈ کو دکھا کر سرپرست /والداپنی بچیوں سے وقت مقرر پر ملاقات کر سکیں گے۔
٭ملاقات کے لئے صرف جمعہ کا دن خاص ہے ، بقیہ دنوں میں ملاقات ہرگز نہیں کرائی جائے گی۔
٭طالبات سے گفتگو کے لئے جمعہ کا دن متعین ہے صبح ۸ / بجےتا قبل مغرب گفتگو کی جا سکتی ہے
٭طالبات سے گفتگو کے لئے سرپرست حضرات کی جانب سے دفتر میں دئے گئے دو نمبروں سے ہی بات کرنی ہوگی کسی نئے نمبر سے بات نہیں کرائی جائے گی۔
٭جامعہ کے موبائل کے علاوہ گھر والوں سے بات کے لئے کسی دوسرے موبائل کا استعمال سخت ممنوع ہے ، طالبات کو کوئی بھی موبائل رکھنے کی ہرگز اجازت نہیں ہوگی۔
٭طالبہ کےوالدین اور سرپرست کے علاوہ کسی دوسرے مردوں خواتین کو کسی فرد کو طالبہ سے فون پہ بات کرنے یا ملاقات کی اجازت نہیں ہوگی۔
٭متعینہ وقت کے علاوہ طالبات سے ملاقات اوربات کی کوئی صورت نہیں ہے۔ ہاں ایمرجنسی کی صورت میں انتظامیہ سے رابطہ کیا جا سکتا ہے۔
٭سیکوریٹی اور پردےکا معقول انتظام ہے اس کے باوجود اگر کوئی طالبہ منتظمین کو دھوکہ دیکرجامعہ سے فرار ہو جاتی ہے اور کسی حادثہ کی شکار ہو جاتی ہے تو جامعہ اس کا ذمہ دار نہ ہوگا۔
٭کسی بھی ناگہانی حادثہ اور آفات کے لئے جامعہ ذمہ دار نہیں ہوگا۔
٭عید الاضحی ، ربیع الاول اور شعبان کی چھٹی میں طالبات اپنےگھر جا سکتی ہیں۔ درمیانی شادی ، میلاد ،فاتحہ وغیرہ میں شرکت کے لئے گھر جانے کی اجازت نہیں دی جائے گی۔
بغیر سرپرست / گارجین کسی بھی طالبہ کو گھر نہیں جانے دیا جائے گا ۔
گھر سے جانے یا گھر سے آنے میں یا ادارے میں رہ کر خدا نا خواستہ طالبہ کسی ناگہانی حادثے کا شکار ہو جاتی ہے تو ادارہ یا منتظمین و معلمات ذمہ دار نہ ہوں گے۔
ادارہ کی طرف سے کسی بھی نوٹس کو پاکر گارجین کا فورا ادارہ پہنچنا لازم ہوگا۔
٭طالبات کو راہ راست پر لانے کے لئے بوقت ضرورت سختی سے بھی کام لیا جا سکتا ہے سرپرست حضرات کو اس کی شکایت کا حق حاصل نہ ہوگا ۔
٭سرپرست یا طالبات کی جانب سے بار بار قانون شکنی کی صورت میں بطور سزا طالبہ کا اخراج کیا جا سکتا ہے۔
٭اصول وضوابط کی پابندی اور اس کا پاس ولحاظ ہر طالبہ نیز ان کے سرپرست / والدین کے لئے لازم ہے اس میں کسی طرح کی رخصت یا چھوٹ کسی کے لئے نہیں ہے لہذا کوئی اپنے آپ کو اس سے بری نہ سمجھے۔
داخلہ کے جملہ حقوق ادارہکے پاس محفوظ ہے۔